Россиянинг Тверь вилоятида “Вагнер” раҳбари Евгений Пиргожинга тегишли самолёт ҳалокатга учради, бортдаги 10 кишининг бари ҳалок бўлди. Самолёт йўловчилари орасида Пригожин бўлгани маълум қилинди, аммо унинг ўлими тасдиқланмади.
Россия президенти Владимир Путин ва Чеченистон раҳбари Рамзан Қодиров унинг оиласига ҳамдардлик билдирди. Mirror нашри “Вагнер” раҳбарининг оммага кўриниш бермайдиган оиласи ҳақида маълумот берди.
Хабарга кўра, Евгений Пригожиннинг рафиқаси Любов Пригожина фармацевт ва тадбиркор аёл ҳисобланади. У Санкт-Петербургдаги “Музей шоколада” деб номланувчи бутиклар тармоғига эгалик қилади.
2012 йилда у Crystal Spа & Lounge спа-марказини очган, у 2013 йилда Perfect Urban Day Spa категориясида учинчи ўринни эгаллаган. Шунингдек, Пригожина бир қатор курорт ва соғломлаштириш марказларини ишга туширгани таъкидланади.
Пригожиннинг уч нафар фарзанди борлиги айтилмоқда. Икки қиз (Полина ва Вероника) ҳамда бир ўғил (Павел). Россиянинг Украинага бостириб киришидан аввал Пригожиннинг фарзандлари Европа Иттифоқи ҳудудида эркин ҳаракатлана олган, бироқ ҳозирда уларнинг ҳаракати чекланган. “Вагнер” раҳбарининг оиласи омма эътиборидан узоқда ҳаёт кечиради.
Изоҳ (0)