Россиянинг “Луна-25” станцияси Ой билан тўқнашиб, ўз фаолиятини тўхтатди. Бу ҳақда “Роскосмос”га таяниб, “РИА Новости” хабар берди.
Маълум қилинишича, 19 август куни станцияга қўниш олдидан импулс берилган. Тахминан. Москва вақти билан соат 14:57 да “Луна-25” билан алоқа узилган. Қурилмани қидириш ва у билан алоқани тиклаш чоралари ҳеч қандай натижа бермаган.
“Махсус тузилган идоралараро комиссия станциянинг йўқолиши сабабларини ўрганади”, — дейди “Роскосмос”.
“Луна-25” станцияси парвози
Россия қарийб 50 йиллик танаффусдан сўнг 11 август куни Ойга миссия юборди. “Луна-25” станцияси Амур вилоятидаги Восточний космодромидан муваффақиятли учирилди. Миссия Ойга 21 август куни қўниши кутилганди.
Парвоз давомида станция Ерга илмий асбоблардан олинган маълумотларни, шунингдек, бир нечта фотосуратларни, жумладан, Ойнинг жанубий қутбидаги Зееман кратери суратини узатди.
Миссиянинг асосий мақсади Ернинг табиий сунъий йўлдоши тупроғида муз мавжудлигини ўрганиш бўлган.
Изоҳ (0)