Нодавлат нотижорат ташкилотлари ва Ўзбекистон бизнес тузилмалари Украинага 10,5 тонна гуманитар ёрдам жўнатди. Бу ҳақда Украинанинг Ўзбекистондаги элчиси Николай Дорошенко Facebook’даги саҳифасида маълум қилди.
.jpg)
Гуманитар ёрдам аллақачон Львов вилоятининг Дрогобицкий тумани маъмурияти, Ижтимоий сиёсат бўлими ва Львов вилояти махсус тиббий ёрдам бўйича кенгашига топширилган.
Украинага жами 785 844 гривнага (тахминан 21 282 доллар) қишки пойабзал , спорт, болалар ва аёллар кийимлари юборилган. Шунингдек, умумий қиймати 157 771 гривна (тахминан 4 273 доллар) бўлган тиббий шприцлар, тиббий пахта ва инфузион тизимлар жўнатилган.
Украинанинг Ўзбекистондаги элчиси гуманитар акция иштирокчиларига самимий миннатдорлик билдирган.
Украиналик болалар дам олиш ва реабилитация учун Ўзбекистонга келди
Ўзбекистонга Украинадан дам олиш ва реабилитация учун 45 нафар бола ҳамда беш нафар ҳамроҳлик қилувчи гуруҳ етиб келган.
Харьков, Херсон, Николаев, Запорожье, Суми, Хмелниский, Львов ва Киевдан келган болалар 12 кун давомида “Анор” тоғ оромгоҳида дам олади.
Маълумотларга кўра, ҳозирда Европа Иттифоқи давлатларида вақтинчалик ҳимоя мақомини олган Украинадан келган 4 миллиондан ортиқ қочқин бор. Июнь ойида уларнинг сони қарийб 46 минг кишига кўпайди, бу май ойига нисбатан 1,1 фоизга кўпдир.
Изоҳ (0)