Пенсия жамғармаси томонидан ишлаётган пенсионерга иш стажи қўшиб ёзиладими, деган саволга жавоб берилди.
Маълум қилинишича, “Фуқароларнинг давлат пенсия таъминоти тўғрисида”ги қонуннинг 37-моддасида мазкур масаладаги тартиб белгилаб қўйилган.
“Қонунга кўра, ёшга доир пенсия тайинлангандан кейин ишланган вақт пенсия тайинлаш учун стажга қўшиб ҳисобланмайди”, — дея маълум қилди жамғарма.
Эслатиб ўтамиз, Ўзбекистонда ёшга доир пенсия эркакларга 60 ёшдан иш стажи камида 25 йил бўлган тақдирда, аёлларга 55 ёшдан иш стажи камида 20 йил бўлганда тайинланади.
Ҳозирда ёшга доир энг кам пенсия миқдори 677 000 сўмни ташкил этади.
Мавзуга доир: