Ўзбекистонда табиий газ қазиб чиқариш ҳажми камаймаган. Аҳолига газ етишмаслигига бошқа сабаблар бор. Бу ҳақда “Ўзбекнефтгаз” АЖ раисининг биринчи ўринбосари Беҳзод Усмонов журналистлар учун уюштирилган пресс-турда маълум қилди, дея хабар берди “Дарё” мухбири.
Беҳзод Усмоновнинг айтишича, аҳоли ва бизнеснинг энергетикага бўлган талаби тез ўсиб бормоқда.
“Ўзбекистонда 287 та газ конлари бўлиб, шундан 123 таси бизнинг жамият тасарруфида. Ҳали кўп газимиз бор. Газ қазиб олиш ҳажми камайгани йўқ. Ҳозир ишлаб чиқарилган газ етишмаслиги аҳоли сонининг ошаётгани билан боғлиқ. Одамлар ҳам кўпаймоқда, ишлаб чиқариш қувватлари ҳам ошмоқда. Яъни энергетикага талаб жуда юқори. Тўғри, асосий ва энг йирик конларимизда ишлаб чиқариш пасаймоқда. Бунинг олдини олиш учун қўшимча чора-тадбирлар кўриляпти. Хусусан, янги конлар, қудуқларни бурғилаш ишлари олиб бориляпти. Бу йил ҳам бир нечта янги конлар очилиши режалаштирилган”, — деди раис ўринбосари.
“Ўзлитинефтгаз” АЖ раиси Улуғбек Назаровнинг таъкидлашича, республикада барча конлардаги газ захираларининг умумий ҳажми 1,8 триллион куб метрни ташкил этади.
“Жами захираларнинг 50 фоизи — 900 миллиард куб метри “Ўзбекнефтгаз” конларидаги газ захиралари ҳисобланади. Биздаги асосий захиралар 50 фоиздан кўп газ қазиб олинган конларда ётипди”—деди мутахассис.
Маълум қилинишича, жорий йил учун “Ўзбекнефтгаз”га 32,2 миллиард куб метр газ қазиб олиш вазифаси юклатилган.
Статистика агентлиги маълумотларига кўра, 2021 йилда мамлакатда 53,8 миллиард куб метр, 2022 йилда 51,6 миллиард куб метр табиий газ қазиб олинган.
Изоҳ (2)
Agar shu ketishda ketsalaring uzogʻi 19 yilda gaz zaxirasi tugarkan.Axoli koʻpayotganmish.Axmoqlar avtomobil koʻpaymoqda Gaz quyish shaxobchalari koʻpaymoqda deb gapir undan koʻra.Benzin narxini tushurib gaz zaprafkani yop shunda qishdan betalofat chiqadi xalq.Bu gazda kelajak avlodni xam xaqqi bor.Ye miyyanga skeylar
биламиз халк йилдан йилга копаяйотганини урток уринбосар сиз бекордан бекорга ойлик олиб креслода утирганиз йок сизларам бир бошкотиринг минде колган давлатларни ходимларига ухшаб халкни уйлелар жониларни фидо килилар шу халк учун хадеб сукиб эслашни урнига бир мактабам гапирелик силарни