Тошкент вилоятида 4 мингдан зиёд кўчмас мулк манзили ўзгарди

Тошкент вилоятида 4176 та кўчмас мулк манзили ўзгарди. Бу ҳақда вилоят Кадастр бошқармаси ахборот хизмати хабар берди.

Унга кўра, Кадастр агентлиги Кўчмас мулк объектлари манзиллари ягона реестри шакллантирилиши ва юритилиши учун масъул орган ҳисобланади. Кадастр агентлигининг Давлат кадастрлари палатаси ҳудудий бошқармалари эса манзилларнинг мавжудлигини белгилаш, ўзгартириш, бекор қилиш субъектлари ҳисобланади.

Бугунги кунга қадар Тошкент вилоятида 4,176 та кўчмас мулк манзили ўзгарган. Энг кўп манзил ўзгариши қуйидаги туманларда қайд этилган:

• Бўстонлиқ тумани - 589 та;
• Юқори Чирчиқ тумани - 553 та;
• Ўрта Чирчиқ тумани - 508 та;
• Оҳангарон тумани - 359 та.