Россия элитасининг бир қисми Украина билан алоқа ўрнатишга тайёр, чунки улар урушда мағлубиятнинг муқаррарлигини ва Россияда ҳокимият ўзгаришини тушунади. Бу ҳақда Украина Мудофаа вазирлиги разведка бошқармаси вакили Андрей Юсов “Ligа.net” нашрига маълум қилди.
Унинг сўзларига кўра, ҳозир Россия элитаси куч ресурслари учун ўзаро кураш олиб бормоқда. Бу жараённинг аксариятига асосий сабаб Путиндан кейин “ўз ўрнини ва маълум хавфсизлик кафолатларини” излашдир.
“Бугунги Россиянинг ҳарбий-сиёсий раҳбариятининг кўплаб вакиллари Путин ҳақиқатан ҳам ҳалокатга маҳкум эканини тушунади”, — дейди Юсов.
Разведка расмийси Украина бу вазиятдан ўз манфаатларини ҳимоя қилиш учун фойдаланиши кераклигини таъкидлади.
“Ушбу ‘элита’нинг бир қисми алоқа ўрнатишга тайёр ва баъзида Кремль ичидаги маълум бир гуруҳлар йўқотиш ва мағлубиятга учрашини олқишлайди”, — деди Украина разведкаси расмийси.
Унинг таъкидлашича, гап мафкуравий уйғониш ҳақида эмас, балки рус элитарининг тижорат мақсадлари ҳақида кетмоқда.
“Аммо бу икки томонлама жараён. Биз ҳам ишлаяпмиз. Демократик давлатлар ҳар қандай империяга қараганда барқарорроқ эканини тушунамиз”, — дея хулоса қилди Юсов.
Изоҳ (0)