Россия Одесса вилоятидаги Измаил портига кетаётган хорижий кемани Қора денгизда ўт очиб тўхтатди. Бу ҳақда Россия мудофаа вазирлиги хабар берди.
13 август куни эрталаб Қора денгиз флотининг “Василий Биков” патрул кемаси Палау байроғи остида Измаил портига кетаётган “Сукра Окан” қуруқ юк кемасини пайқаган.
Юк кемаси капитани кемани текшириш учун тўхтатиш ҳақидаги талабга жавоб бермаган, оқибатда Россия кемаси огоҳлантирувчи ўт очган.
Шундан сўнг кема тўхтаган ва бир гуруҳ рус ҳарбийлари Ка-29 вертолётидан унга қўнган. Улар текширув ўтказган, шундан сўнг кема Измаил портига йўл олган.
Россия Қора денгиз портларидан Украина озиқ-овқат маҳсулотларини экспорт қилишга рухсат берган дон битимидан чиқди
Июль ойида Россия дон шартномасини узайтиришдан бош тортди. 20 июлдан бошлаб Россия Қора денгизда Украина портларига кетаётган барча кемаларни потенциал ҳарбий юк ташувчиси деб ҳисоблаши, улар рус қўшинларининг қонуний нишонига айланиши ва байроқлари кўтарилган давлатлар конфликтда Украина томонида кўрилишини билдирди.
Шу ҳафта Украина Черноморск, Одесса ва Южний портларига сузиб юрувчи савдо кемалари учун Қора денгизда вақтинчалик коридорларни очди. Шу билан бирга, Киев уларнинг хавфсизлигини кафолатлай олмаслигидан огоҳлантирди.
Изоҳ (0)