Суданда армия ва махсус кучлар ўртасида давом этаётган можаро туфайли 20 миллиондан ортиқ киши очликдан азият чекмоқда. Бу ҳақда “Al-Hadatҳ” телеканали БМТ агентликлари маълумотларига таяниб хабар берди.
Ҳисоб-китобларга кўра, 20,3 миллион киши ёки мамлакат аҳолисининг 42 фоизи озиқ-овқат билан таъминланмаган ва бу рақам кутилганидан тезроқ ўсиб бормоқда.
Телеканал маълумотларига кўра, энг кўп зарар кўрган ҳудудлар Хартум ва мамлакатнинг ғарбий минтақаси – Дарфур, шунингдек, апрель ойи ўрталаридан бери тўқнашувлар тўхтамаган Кордофаннинг баъзи ҳудудлари ҳисобланади.
Озиқ-овқат етказиш тизимининг узилиши, шунингдек, инфратузилмага катта зарар етказилиши вазиятни янада оғирлаштирмоқда.
Аввалроқ БМТ август ойига келиб Суданда 19,1 миллион киши очликдан азият чекиши мумкинлиги ҳақида маълум қилганди.
Изоҳ (0)