Луис Энрике “ПСЖ”ни тарк этиши мумкин.
Marca нашрининг хабарига кўра, Килиан Мбаппе билан боғлиқ вазият туфайли бош мураббий жамоадан кетишни режалаштирмоқда.
Хусусан, Энрике, агар ҳужумчи ёзда жамоани тарк этмаса, унга ишонч билдириб бўлмаслигини, катта эҳтимол билан таркибдан четлатилиши кераклигини таъкидламоқда.
Шунингдек, испаниялик мутахассиснинг қарорига, спорт маслаҳатчиси Луиш Кампушнинг кетиши ҳам таъсир қилиши мумкин. Маълум бўлишича, “ПСЖ” Мбаппе билан боғлиқ вазият туфайли Кампушни истеъфога чиқармоқчи.
Эслатиб ўтамиз, франциялик ҳужумчи парижликлар билан 2024 йилда ўз ниҳоясига етадиган шартномасини янгилашни истамаяпти.
Шу сабабли “ПСЖ” уни Япониядаги турнега олиб кетмади ва трансферга қўйди. Французга Мадриднинг “Реал” жамоаси жиддий қизиқиш билдирмоқда.
Изоҳ (0)