Ўзбекистонда 2023 йилнинг олти ойида 12 нафар судья лавозимидан озод қилиниб, ваколатлари муддатидан илгари тугатилди. Бу ҳақда Судьялар олий кенгаши ахборот хизмати хабар берди.
Қайд этилишича, судьяларни тайинлаш, жой-жойига қўйиш, бўш лавозимлар учун очиқ ва ошкора ўтказилган танловлар натижасида ўтган олти ойда 133 нафар номзод судьялик лавозимига тайинланган. Уларнинг 55 нафари судьялик лавозимида бўлишнинг навбатда 10 йиллик муддатига, 3 нафари муддатсиз даврга, 72 нафари ваколати муддати даврига юқори ва бошқа судьялик лавозимларига, 3 нафар номзод илк бор судьялик лавозимига тайинланган.
Шунингдек, тайинловларга оид очиқ танловларда ваколат муддати тугаган 6 нафар судья навбатдаги муддатга нолойиқ деб топилган. Ўтган олти ойда судьялар фаолиятига аралашиш, уларнинг дахлсизлигига таъсир ўтказишга уриниш ҳолатлари бўйича Судьялар олий кенгаши раиси томонидан Бош прокуратурага 3 та тақдимнома киритилган. Бунинг натижасида 1 та жиноят иши қўзғатилган, 2 та ҳолат ўрганилмоқда.
Маълум қилинишича, 2023 йилнинг ўтган олти ойида фаолиятида камчиликларга йўл қўйган 128 нафар судья интизомий жавобгарликка тортилган.
Бундан ташқари 12 нафар судья одил судловни амалга оширишда камчиликларга йўл қўйгани ҳамда Судьялар одоби кодекси талабларига риоя этмагани учун;
- 11 нафар судья ўз аризасига кўра;
- 1 нафари судья бошқа ишга ўтгани муносабати билан;
- жами 22 нафар судья лавозимидан озод қилиниб, ваколатлари муддатидан илгари тугатилган.
Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди.
Изоҳ (0)