General Motors компанияси Wuling Bingo деб номланган электромобиль ишлаб чиқарди. Бу салонида каравот бўлган ҳамёнбоп электромобиль ҳисобланади. Бу ҳақда CarNewsChina хабар берди.
B-классга тегишли ихчам хетчбекнинг нархи 8 340 доллардан 11 830 долларгача. У битта қувватлантиришда 333 километр масофани босиб ўта олади.
Ҳозирги вақтда ушбу модель фақат Хитойда сотилмоқда. Автомобилнинг узунлиги тўрт метрдан сал ошади. Автомобилга иккита дисплей ўрнатилган.
Опсиялар орасида шишириладиган матрас ва каравот мавжуд бўлиб, у салоннинг орқа томонига жойлашади. Wuling Bingo моделининг икки тури мавжуд. Биринчиси битта қувватлантиришда 203 километр юрса, иккинчисининг аккумулятори кучлироқ бўлиб, у 333 километр масофа босади. Автомобилнинг максимал тезлиги — 100 км/соат.
Изоҳ (0)