Туркия пойтахти Истанбул яқинидаги пляжда — Қора денгиз соҳилида 28 та портламай қолган снаряд топилганидан кейин пляж ёпилди. Бу ҳақда Туркиянинг А Haber телеканали хабар берди.
30 июль куни Истанбул расмийлари келиб чиқиши номаълум бўлган портловчи объектлар ҳақида хабар олган, шунинг учун пляжни вақтинча ёпишга қарор қилинган, чунки ёмон об-ҳаво туфайли соҳилни синчиклаб текшириш имкон бўлмаган.
31 июль куни соҳилда 28 та портламай қолган артиллерия снарядлари топилди, улардан саккизтаси қуруқлик юзасига олиб чиқилган.
Қайд этилишича, снарядлар қирғоқдан 10 метр узоқликда, бир ярим метр чуқурликда бўлган.
Туркия Ҳарбий-денгиз кучлари булар чиндан ҳам артиллерия снарядлари эканини тасдиқлади, бироқ курорт ҳудудига улар қандай келиб қолгани номаълум.
Топилган снарядларни зарарсизлантириш 2 августга режалаштирилган.
Аввал Грузиянинг Батуми шаҳрида Қора денгиз бўйида портлаш содир бўлганди. Кейинчалик маълум бўлишича, қирғоқдан 25 метр узоқликда денгиз минаси портлаган, қурбонлар ва вайроналар йўқ.
Изоҳ (0)