Саудия Арабистони август ойида Украинада кечаётган урушни тугатиш бўйича Россиясиз 30 та давлат иштирокида йиғилиш ўтказишни режалаштирмоқда. Бу ҳақда Тҳе Wall Street Journal хабар берди.
Саудия Арабистони ва Украина томонидан таклиф қилинганлар орасида қуйидаги давлатлар бор:
- Индонезия;
- Миср;
- Мексика;
- Чили;
- Замбия.
Буюк Британия, Жанубий Африка Республикаси, Польша ва Европа Иттифоқи унда иштирок этишларини тасдиқлаган.
Вашингтон ва Европа Россияни четлаб ўтадиган музокаралар Украина фойдасига тинчлик шартларини халқаро қўллаб-қувватлашга олиб келишига умид қилмоқда. Муҳокамаларда қатнашган дипломатларнинг айтишича, 5 ва 6 август кунлари Жиддага 30 тагача давлатдан юқори даражали вакиллар келади.
Нашрнинг ёзишича, Украина ва Ғарб расмийлари уларнинг саъй-ҳаракатлари 2023 йил охирида тинчлик саммити ўтказилишига, унда дунё етакчилари келишувнинг умумий тамойилларига имзо чекишига умид қилмоқда. Ушбу тамойиллар Киев фойдасига Россия ва Украина ўртасидаги бўлажак музокаралар учун асос бўлиши айтилган.
Дипломатик манбаларга кўра, Саудия Арабистони Хитойни йиғилишда иштирок этишга ишонтириш мақсадида музокаралар учун жой сифатида танланган. Ар-Риёд ва Пекин яқин алоқада.
Изоҳ (0)