“Вагнер” Беларусдаги лагерида 750 дан ортиқ ҳарбий техникаларини сақламоқда. Уларнинг сунъий йўлдошдан олинган сурати намойиш қилинди.
Вагнерчиларнинг ҳарбий техникаси Осиповицкий туманидаги қишлоқда қайд этилган. Тасвирлар орқали уларнинг сони тахминан 754 тани ташкил қилмоқда. Улар орасида ҳарбий техника кам эканлиги айтилмоқда.
Лагер ҳудудида қуйидаги техникаларни кўриш мумкин:
- 62 та юк машинаси;
- УАЗ пикаплари, фургонлар, УАЗ микроавтобуслари, Газелле микроавтобуслари, УАЗ Патриотлар, енгил автомобилларга ўхшаш 534 та транспорт воситаси;
- 33 та турли хил модификациядаги автобуслар;
- 99 та турли хил юк машиналари, жумладан, асосан қурилиш ускуналари бўлган платформалар;
- 26 та ҳарбий юк машинаси ёки шунга ўхшаш ўлчамдаги транспорт воситалари. Бу Урал, Камаз ёки зирҳли транспорт воситалари бўлиши мумкин.
Таъкидланишича, 19 июлдан бери техникалар сони тахминан 269 тага ошган. Қуйидаги суратлар орқали ҳарбий техникалар сони ошганини кўриш мумкин:
“Вагнер” кучларининг Беларусга жойлаштирилиши ҳақидаги хабарлардан кейин Польша шарқий чегараларини мустаҳкамлай бошлади. Июль ойи бошида Варшава 1 000 нафар аскар ва деярли 200 та ҳарбий техникани Беларусь билан чегарадош Подляше вилоятига жўнатишини эълон қилди.
“Вагнер” бўлинмалари эса Беларуснинг Осиповичи шаҳридан 20 километр узоқликдаги лагерга жойлаштирилди. Польша разведкаси қўшни республика ҳудудида бир неча юзлаб “вагнерчи”лар борлиги ҳақида хабар берди. Беларусда “Вагнер” инструкторлари маҳаллий ҳарбий хизматчиларни ўқитмоқда.
Изоҳ (0)