CAFA Futsal Cup 2023. Ўзбекистон терма жамоаси 6 та гол урилган ўйинда Тожикистонни мағлуб этди

Тожикистонда CAFA Futsal Cup 2023 мусобақаси старт олди. Ўзбекистон футзал терма жамоаси дастлабки турда мезбонларга қарши баҳс юритди.

Учрашувда Баҳодир Аҳмедов шогирдлари ишончли ғалабани қўлга киритди. Ўзбекистон сафида Дилшод Раҳматов, Ҳусниддин Нишонов, Акбар Усмонов ва Ҳамроев ўз ҳисобига гол ёздириб қўйган бўлса, Тожикистоннинг голларига Файзали Сардоров ҳамда Дилшод Саломов муаллиф бўлди.

Ўзбекистон кейинги ўйинини 24 июль куни Афғонистонга қарши ўтказади. Учрашув Ўзбекистон вақти билан 17:00 да старт олади.

CAFA Futsal Cup 2023

1-тур баҳси

Ўзбекистон — Тожикистон 4:2

Голлар: 1:0 – 16 Дилшод Раҳматов, 2:0 – 18 Ҳусниддин Нишонов, 2:1 – 20 Файзали Сардоров, 3:1 – 24 Акбар Усмонов, 3:2 – 25 Дилшод Саломов, 4:2 – 33 Илҳом Ҳамроев.