Килиан Мбаппе “ПСЖ” билан бирга мавсумолди турне учун Японияга бормайди.
L’Equipe нашрнинг хабарига кўра, ҳужумчи Японияга борадиган футболчилар рўйхатидан жой олмаган. Бу ҳақида Мбаппенинг ўзи “Гавр”га қарши ўртоқлик ўйини пайтида огоҳлантирилган.
Клуб 24 ёшли футболчи аллақачон “Реал” билан келишиб олган ва 2024 йилда эркин агент сифатида жамоани тарк этади, деб ҳисобламоқда. Маълумот учун, парижликлар Мбаппе шартномани узайтирмаса, мавсум давомида захира ўриндиғида қолиши билан таҳдид қилган.
Париж клубига футболчи ваъдасида турмагани ёқмаяпти. Маълум бўлишича, “ПСЖ” Килианни трансферга қўйган ва футболчи учун таклиф билдирган клублар билан музокаралар олиб боришга тайёр. Японияга эса фақатгина “клубга содиқлар ва жамоада қолишни истаганлар” олиб кетилади.
24 ёшли футболчига “Реал” жиддий қизиқиш билдираётганига қарамасдан, Саудия Арабистони ҳам ўзига хос таклиф билан чиққан. Саудия клубларидан бири аллақачон трансфер борасида “ПСЖ” билан боғланган. Лекин Мбаппе “Реал”дан бошқа вариантларни кўриб чиқиш ё чиқмаслиги номаълум.
Изоҳ (0)