“Реал” 2022/23 йилги мавсумни фойда билан ёпди. Клубнинг қарзи 216 млн еврога қисқарган

Мадриднинг “Реал”нинг клуби 2022/23 йилги мавсум учун молиявий ҳисоботини эълон қилди.

Клуб мавсумни 12 миллион евро фойда билан якунлаган.

Трансферларни инобатга олмаганда даромад 843 миллион еврони ташкил қилган. Клуб илк бор пандемиягача бўлган 2018/19 йилги мавсум даромадидан кўпроқ пул ишлади. Ўшанда “Реал” мавсум давомида 757 миллион евро ишлаб топганди. Қайд этилишича, испан клубининг даромади ўтган мавсумга қараганда 17 фоизга кўпайган.

Клубнинг тоза қарзи 263 миллион евродан 47 миллион еврога қисқарган.

“Реал”нинг йил давомидаги шахсий капитали 558 миллион еврога етди. Клубнинг молиявий аҳволи барқарор баҳоланмоқда.

Шунингдек, ҳисоботда “Сантьяго Бернабеу”ни таъмирлаш ишлари режа бўйича кетаётгани қайд этилган. Асосий ишлар 2023 йилнинг охиригача тугатилиши айтилган.