YouTube видеохостинги фойдаланувчи созламаларига “Барқарор овоз баландлиги” деб номланган қўшимча функцияни қўшди. Бу ҳақда Android Authority хабар бермоқда.
Ҳозирча YouTube расман янгилик ҳақида эълон қилгани йўқ. Бу имкониятни биринчи бўлиб блогер Брандон Ли пайқади.
Скриншотларга кўра, "Фондаги ёруғлик" остидаги созламаларда видеолардаги овоз баландлигини автоматик равишда созлаш тугмаси пайдо бўлди. Функциянинг мавжудлигини текшириш учун видеони томоша қилишда созламаларга ўтишингиз керак.
Янгиликни синаб кўрган фойдаланувчиларнинг фикрига кўра, бу функция орқали видеодаги овоз баландлигини тенглаштириш, яъни видео давомида қаттиқ ҳайқириқлар ёки фон товушларининг баландлигини камайтириш мумкин, шунингдек, видеолардаги жуда паст товушларни кўтариш имконияти мавжуд.
Изоҳ (0)