АҚШда инфляциянинг секинлашиши, АҚШ меҳнат бозори ва, умуман, иқтисодиёт барқарорлигининг сақланиши экспертларни мамлакат ялпи ички маҳсулоти бўйича прогнозларни ижобий томонга қайта кўриб чиқишга мажбур қилмоқда, деб ёзади The Wall Street Journal.
Кейинги 12 ой ичида Қўшма Штатларда рецессия эҳтимоли иқтисодчилар томонидан 54 фоизга баҳоланмоқда, газета ҳар чоракда ўтказиладиган сўров натижаларини кўрсатмоқда. Олдинги икки сўровда рецессия эҳтимоли 61% деб баҳоланган эди.
Сўров 7—12 июль кунлари 69 нафар иқтисодчи ўртасида ўтказилди.
Консенсус прогнозига кўра, АҚШ иқтисодиёти иккинчи чоракда йиллик ҳисобда 1,5 фоизга ўсган. Апрель ойида АҚШ ялпи ички маҳсулоти атиги 0,2 фоизга ошиши кутилган эди.
Мутахассислар ҳали ҳам АҚШ иқтисодидаги рецессияни прогноз қилмоқдалар, аммо эндиликда бу кутилганидан кучсизроқ бўлишига ишонишяпти.
Изоҳ (0)