Ажинлар ва бошқа ёшга боғлиқ ўзгаришлар билан курашиш нафақат ташқи томондан, балки ичкаридан ҳам керак. Бунинг учун зарур бўлган витаминларни қаердан топиш ва уларни диетангизга қандай қилиб тўғри киритиш кераклигини билиб олинг.
Кўк резаворлар
Кўк мевалар (масалан, черника ва голубика) антиоксидантларга бой. Улар орасида флавоноидлар, витамин C ва К мавжуд. Бу моддалар организм ҳужайраларининг шикастланишига олиб келадиган оксидланиш жараёнларига қарши курашади.
Черника ва голубика нафақат ташқи томондан ёшартиради. Улар мия фаолияти учун ҳам фойдали. Баъзи тадқиқотларга кўра, голубика Альцгеймер касаллигининг ривожланишига тўсқинлик қилади. Кунига бир стакан резавор мева истеъмол қилиш тавсия этилади. Уларни ўз ҳолида ёки мазали смузи тайёрлаган ҳолда истеъмол қилиш мумкин.
Олма
Бу мева ҳам антиоксидантларга бой. Унинг таркибидаги витаминлар (айниқса C ва E) терини таранглаштиради, пигмент доғлари ва ажинлар пайдо бўлишининг олдини олади, терини намлайди ва ёшартиради. Кундалик миқдор 1-2 дона ўртача катталикдаги олма. Кўпроғи тавсия этилмайди, чунки бу овқат ҳазм қилиш муаммоларига олиб келиши мумкин.
Авокадо
Авокадо таркибида C ва E витаминлари ҳамда миснинг юқори миқдори туфайли терида коллаген ишлаб чиқаришни кучайтиради. Унинг таркибидаги ёғлар терини қуёшдан ҳимоя қилади. Глутатион терини жозибадор қилади. Кунига яримта авокадо истеъмол қилиш кифоя, шунинг учун уни ҳаддан ташқари ошириб бўлмайди.
Яшил сабзавотлар
Брокколи, исмалоқ, Брюссел карами ва бошқа яшил сабзавотлар ҳам тери саломатлиги учун фойдали бўлган C витаминига бой. Исмалоқ таркибидаги А витамини коллаген ишлаб чиқаришни оширади. Брокколи таркибидаги калий сув мувозанатини тартибга солади, шу туфайли тери намланиб, ёшаради.
Кунига бир ҳовуч исмалоқ истеъмол қилиш кифоя, уни смузига қўшишингиз мумкин. Брокколининг кунлик истеъмоли тахминан 90 граммни ташкил қилади. Уни буғда пиширган маъқул.
Анор
Анор таркибидаги эллагик кислота теридаги коллагеннинг камайишидан ҳимоя қилади, шу билан бирга ажинлар пайдо бўлишининг олдини олади. Кунига 1-1,5 стакан анор уруғини истеъмол қилиш ёки бир хил миқдорда анор шарбатини ичиш тавсия этилади. Агар шарбатни сотиб олсангиз, унда шакар бор-йўқлигини текширинг.
Қўзиқорин
Қўзиқоринларда кўп миқдорда D витамини мавжуд бўлиб, бу ёшартириш хусусияти билан бирга суяк саломатлиги учун муҳимдир. Терининг гўзаллиги учун чага ва рейши қўзиқоринлари бебаҳо ҳисобланади. Улар терини қуруқликдан сақлайди, қизариш ва ажинларни камайтиради. Кунига икки дона ўртача қўзиқоринни истеъмол қилиш кифоя.
Гиёҳлар
Кўпгина ўтлар антиоксидантларни ўз ичига олади. Мисол учун райҳон ва розмарин терини қуёш нурларининг зарарли таъсиридан ҳимоя қилади. Қуритилган розмариннинг кунлик истеъмоли 6 граммдан, райҳон эса 2 граммдан ошмаслиги керак.
Дуккаклилар (ловия, нўхат, ясмиқ)
Дуккаклилар теридаги қариш белгиларининг олдини олувчи антиоксидантларга бой. Тўқ рангли дуккаклилар (масалан, қора ловия) айниқса, фойдалидир, чунки уларда кўпроқ пигмент ва антиоксидантлар мавжуд. Кунига камида бир пиёла дуккакли экинларни истеъмол қилиш тавсия этилади. Сиз уларни турли шаклларда пиширишингиз мумкин.
Зайтун мойи
Таркибидаги антиоксидантлар туфайли зайтун мойи терини янада нам ва соғлом қилади. Шунингдек, у қизаришни камайтиради, ажинлар пайдо бўлишининг олдини олади ва терининг қуёш таъсирига чидамлилигини оширади. Диетангизга зайтун мойини қўшиш осон. Мисол учун уни салатга қўшинг. 1-2 ош қошиқ ёғ кундалик норма ҳисобланади.
Ёғли балиқ (лосос, селд)
Ушбу ва бошқа турдаги ёғли балиқларда омега-3 мавжуд. Улар терининг силлиқ кўринишини сақлашга ёрдам беради. Мия фаолиятини қўллаб-қувватлайди. Бундан ташқари, балиқ суяк саломатлиги учун зарур бўлган D витаминига бой.
Ҳафтада 3 марта 100 грамм балиқ истеъмол қилиш тавсия этилади. Агар ҳомиладор бўлсангиз ёки фарзанд кўришни режалаштирмоқчи бўлсангиз, порсия сонини камайтириш керак. Аниқ маълумот учун шифокорингиз билан маслаҳатлашинг.
Уруғлар
Уруғларда қаришни секинлаштирадиган турли хил моддалар мавжуд. Мисол учун кунжут сесамол антиоксидант бўлиб, терини ёш сақлайди. Қора кунжут соч оқаришининг олдини олади. Рационга зиғир уруғини киритиш билан тери кўпроқ намланади, бу эса ажинлар пайдо бўлишининг олдини олади. Кунгабоқар уруғлари ҳам антиоксидантларга бой, жумладан, E витаминига. Кунига тахминан 30 грамм кунгабоқар уруғини истеъмол қилиш тавсия этилади.
Ёнғоқ
Барча ёнғоқлар фойдали. Бу мева қаришни секинлаштиради. Уларда омега-3 ва E витамини мавжуд. Бодом ҳам бундан кам самарали эмас. Ҳар куни бир ҳовуч ёнғоқ истеъмол қилиш тавсия этилади.
Қора шоколад (камида 70 фоизли какао)
Қора шоколадни таъми туфайли ҳамма ҳам ёқтирмайди, лекин унинг хоссалари бу камчиликни қоплайди. Қора шоколад сутли ширинликларга қараганда кўпроқ антиоксидантларга эга (масалан, катехинлар), шунинг учун уни истеъмол қилиш терининг ёш туриши учун жуда муҳимдир. У қуёш нурларининг зарарли таъсиридан ҳимоя қилади, терининг намлигини сақлашга ёрдам беради, ажинларнинг олдини олади ва ҳужайра янгиланишини тезлаштиради.
Қора шоколаднинг фойдали порсияси кунига 30 граммни ташкил қилади. Сизга таъми ёқмаса, уни бошқа фойдали озиқ-овқатларга қўшиб кўринг. Мисол учун шоколад билан қопланган бодомни истеъмол қилинг.
Кўк чой
Бу чой таркибида полифеноллар мавжуд. Ушбу бирикмалар эпидермис юзасида янги ҳужайралар ишлаб чиқаришни кўпайтиришни рағбатлантиради, бу эса терининг қариш жараёнини секинлаштиради. Шу сабабли қуёш таъсирида пайдо бўлиши мумкин бўлган терининг шикастланиши (ажинлар ва пигмент доғлар) камроқ сезилади. Мунтазам равишда кўк чой ичишингиз мумкин, лекин миқдор кунига 3 стакандан кўп бўлмагани маъқул.
Изоҳ (0)