Шимолий Корея раҳбари Ким Чен Иннинг синглиси Ким Ё Чжон Корея яриморолида ядро уруши бошланадиган бўлса, бунга АҚШ томонида бўлган Бирлашган Миллатлар Ташкилоти Хавфсизлик кенгаши жавобгар бўлишини айтди. Унинг баёноти Кореянинг Марказий телеграф агентлиги томонидан эълон қилинди.
Ким Ё Чжон ўз баёнотида Шимолий Кореяда ракета учирилиши бўйича ўтказилган БМТ Хавфсизлик кенгашининг 12 июлдаги йиғилишини қоралади. Унинг маълум қилишича, Шимолий Кореянинг бу чора-тадбирлари АҚШнинг “душманлик сиёсати”га жавобан ўзини ўзи ҳимоя қилишнинг “қонуний” ҳаракати ҳисобланади.
“Агар Корея яриморолида исталмаган, мисли кўрилмаган ядро уруши бошланса, бунинг учун КХДРни ўзини ўзи мудофаа қилиш қонуний ҳуқуқидан фойдаланишдан қатъиян тўхтатиб туришга кўп ҳаракат қилаётган БМТ Хавфсизлик кенгаши жавобгар бўлади”, — деди Ким.
Изоҳ (0)