Тошкент вилоятининг Бўстонлиқ туманида жойлашган Чотқол давлат биосфера қўриқхонасининг Майдонтол ва Лайлакчи бўлимлари ҳудудида ёнғин содир бўлди.
ФВВ матбуот хизматининг хабар беришича, ёнғин ҳақида хабар 11 июль куни соат 14:00 атрофида келиб тушган. Дастлабки маълумотларга кўра, ёнғин майдони ўрмоннинг 10 гектардан 20 гектаргача бўлган ҳудудини ташкил этди. Фавқулодда вазиятлар вазирлигининг ўрмон ёнғинларини бартараф этиш бўйича махсус отряди ходимлари зудлик билан манзилга етиб борди.
Ёнғин 11 июль куни соат 20:00 да тўлиқ ўчирилди. Уни бартараф этишга Фавқулодда вазиятлар вазирлигининг Ўрмон ёнғинларини бартараф этиш бўйича махсус отряди ходимлари, Мудофаа, Ички ишлар, Экология, атроф-муҳитни муҳофаза қилиш ва иқлим ўзгариши вазирликлари, ДХХ Чегара кушинлари ва туман ФВDT қуйи тизимига кирувчи хизматлар куч ва воситалари жалб этилди.
8 июль куни кечаси Чотқол давлат биосфера қўриқхонасининг Майдонтол бўлими ҳудудида ёнғин содир бўлганди. Ёнғин қисқа вақт ичида ФВВ ходимларининг тезкор ва малакали ҳаракатлари натижасида ўчирилиб, ўрмоннинг катта ҳудудига тарқалишининг олди олинганди.
Изоҳ (0)