Колумбия ҳарбий-ҳаво кучларининг иккита самолёти машғулот вақтида осмонда тўқнашиб кетди. Бу ҳақда Semana нашри хабар берди.
Маълум қилинишича, гап А-27 Super Tusano самолёти ҳақида кетмоқда. Воқеа Боготадан жануби-шарқда жойлашган Вильявиценсио шаҳридаги ҳарбий базада содир бўлган.
Учувчилар 20 июль куни бўлиб ўтиши керак бўлган параддаги чиқишларга тайёргарлик кўраётган эди.
Самолётлардан бири Апиай учиш-қўниш йўлагида, иккинчиси Финcа-Лорето секторидаги учиш-қўниш йўлагидан бир километр узоқликда қулаган.
Қайд этилишича, ҳар икки учувчи ҳам парашут (катапульт) орқали ерга тушган, бироқ бири воқеа жойида вафот этган, иккинчиси эса шифохонага етказилган.
Ҳодиса сабабларини ўрганиш учун воқеа жойига тафтиш комиссияси юборилган.
Изоҳ (0)