Россия президенти Владимир Путин “Вагнер” хусусий ҳарбий кампанияси давлат ҳисобидан таъминланганини айтди. Бу ҳақда “РИА Новости” хабар берди.
Путинга кўра, 2022 йилнинг майидан 2023 йилнинг майигача ҳукумат хусусий ҳарбий кампанияга 86 миллиард рублдан ортиқ (1 млрд доллардан ортиқ) пул тўлаган. Шу билан бирга, Konkord компаниясининг эгаси “Воэнторг” орқали бир йилда давлатдан 80 миллиард рубль даромад олган.
“Умид қиламанки, ҳеч ким ҳеч нарса ўғирламади ёки камроқ ўғирлади, лекин биз ҳаммаси билан шуғулланамиз”, — деди Россия президенти.
Шунингдек, у “Вагнер” гуруҳи жангчилари мамлакатда ҳурматга сазовор бўлиб, “мардлик ва қаҳрамонлик кўрсатганини” айтди.
“ ‘Вагнер’ гуруҳига келсак, биз бу гуруҳ жангчилари ва қўмондонларига доимо катта ҳурмат билан муносабатда бўлганмиз, чунки улар ҳақиқатан ҳам жасорат ва қаҳрамонлик кўрсатган”, — деди у.
Изоҳ (0)