Бразилияда парвоз вақтида йўловчи самолётининг люки очилиб кетди. Қайд этилишича, ҳодиса Бандеиранте ЭМБ-110 лайнери ҳавога кўтарилганидан ярим соат ўтиб содир бўлган.
Воқеа содир бўлган вақтда салонда 12 киши бўлган, уларнинг барчаси маҳаллий Сан-Луис шаҳридан келган мусиқачилар экани айтилмоқда.
Учувчи мазкур ҳодиса туфайли аэропортга қайтишга қарор қилган ва самолётни муваффақиятли қўндирган. Расмий маълумотларга кўра, жабрланганлар йўқ.
Мусиқий гуруҳ продюсери Ренато Бутиканинг айтишича, у самолётнинг люки ёнида ўтирган ва воқеани видеога олган. Унинг сўзларига кўра, йўловчилар дастлаб қўрқувдан бақира бошлаган, кейин эса тинчланишган, деб хабар беради Американинг ABC телеканали.
Шу йилнинг 26 май куни Жанубий Кореяда Асиана Airлинес авиакомпаниясига тегишли самолётнинг авариявий чиқиш эшиги Тегу шаҳрига парвоз пайтида очилиб кетганди.
Изоҳ (0)