Ўзбекистонда 19 июнда имзоланган “Аҳолининг руҳий саломатлигини муҳофаза қилиш хизматини янада ривожлантириш чора-тадбирлари тўғрисида”ги президент қарорига кўра тиббий психолог, психотерапевт ҳамда суисидологлар маошига устама миқдори оширилади.
Ҳужжатга кўра, 2023 йил 1 августдан тиббиёт муассасаларида руҳий саломатлик билан шуғулланувчи алоҳида мутахассислар фаолияти йўлга қўйилади.
Жумладан:
- туман (шаҳар) кўп тармоқли марказий поликлиникаларида Аҳолининг соғлом турмуш тарзини қўллаб-қувватлаш ва жисмоний фаоллигини ошириш марказининг туман (шаҳар) бўлинмалари штатларини қисқартириш ҳисобидан — тиббий психолог;
- стационар ўринга эга бўлмаган руҳий-асаб касалликлари диспансерлари ва таркибида диспансер мавжуд бўлган руҳий касалликлар шифохоналарида — суисидолог;
- стационар ўринга эга бўлган руҳий-асаб касалликлари диспансерлари ва руҳий касалликлар шифохоналарида — амалдаги штатлар доирасида қабул бўлими шифокори, навбатчи психиатр, тиббий психолог ёки психотерапевт штатлари жорий этилади.
1 июлдан бошлаб туман (шаҳар) кўп тармоқли марказий поликлиникаларида фаолият юритаётган психиатр ҳамда психиатрия даволаш муассасаларида фаолият юритаётган психиатр, тиббий психолог, психотерапевт ҳамда суисидологларнинг лавозим маошига устама миқдори 25 фоиздан 50 фоизга оширилади.
Изоҳ (0)