Тошкент вилоятининг Бўстонлиқ туманида тормози ишламай қолган юк машинаси 6 та машинани уриб юборди. Ижтимоий тармоқларда ҳолат акс этган видео тарқалди.
Вилоят ЙҲХБ матбуот хизматининг хабар беришича, воқеа 18 июнь куни соат тахминан 18:00 ларда 4R10 “Чорбоғ сув омбори айланма” автомобиль йўлининг 82-километрида юз берган.
Ҳайдовчи Ж.А. (1986 йилда туғилган) бошқарувидаги “МАZ-55160-280-650” юк машинаси Тошкент—Чорбоғ йўналишида ҳаракатланиб кетаётган вақтида тормоз тизими ишдан чиқиши натижасида ўзи билан бир йўналишда бўлган 6 та транспорт воситасига (Spark, Matiz, Nexia-3, Кiа Sportage D-242 ва 2 та Lacetti) бориб урилган.
ЙТҲ оқибатида ҳеч қайси ҳаракат иштирокчилари соғлиғига зиён етмаган. Транспорт воситалари техник шикастланган.
Ҳозирда ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.
Изоҳ (0)