“Британиялик миллиардер Ричард Бренсонга тегишли Американинг Virgin Gаlаctic аэрокосмик компанияси июнь охирида коинотга тижорий парвозни амалга оширади”, — дейилади компания баёнотида.
Биринчи парвоз 27–30 июнь кунларига мўлжалланган бўлиб, у микрогравитация билан боғлиқ илмий тадқиқотларга йўналтирилади. Дебют миссияси доирасида Италия ҳарбий-ҳаво кучлари ва мамлакат миллий тадқиқот кенгашининг уч нафар вакили коинотга учади.
“Миссия ‘Virgin Gаlаctic ноёб суборбитал илмий лабораториясининг аҳамияти ва кучини’ намойиш этади”, дейилади хабарда.
Август ойи бошида хусусий астронавтлар коинотга учишади. Кейинроқ эса парвозлар ҳар ой амалга оширилади.
Gаlаctic 01 ва Gаlаctic 02 деб номланган дастлабки иккита миссия компания веб-сайтида жонли эфирда намойиш этилади.
Мазкур хабар фонида Нью-Йорк биржасидаги қўшимча савдоларда Virgin Gаlаctic акциялари нархи 44 фоизга ошди.
Virgin Gаlаctic компаниясига 2004 йилда британиялик тадбиркор сер Ричард Бренсон томонидан асос солинган.
2007 йил февраль ойида Virgin Gаlаctic ва NASA расмийлари ўзаро ҳамкорлик бўйича меморандум имзоладилар.
2009 йил давомида компанияга 450 дан ортиқ киши коинотга парвоз қилиш учун ариза топширди. Улардан 150 нафари депозит учун пул ҳам тўлаган. Ўша вақтда коинотга учиш учун битта чипта нархи 250 000 долларни ташкил қилган.
Изоҳ (0)