Россия фуқаролари Афғонистонга саёҳат қилишдан воз кечишлари керак, ташриф фақат ўта оғир ҳолатларда, расмий ҳолатларда амалга ошиши мумкин. Бу ҳақда Россия президентининг Афғонистон бўйича махсус вакили, Ташқи ишлар вазирлигининг Осиё бўйича иккинчи департаменти директори Замир Кабулов маълум қилди.
“Саёҳат сабабидан қатъи назар, росиияликларга Афғонистонга ташрифдан тийилиш тавсия қилинади. Афғонистонга саёҳат қилиш фақат сўнгги чора сифатида ва расмий ҳолатларда бўлиши керак, бу ҳақда Кобулдаги элчихонамиз хабар берган. Улар Республикада кечаётган вазиятдан яхшироқ хабардор”, — деди Кабулов.
У Афғонистондаги вазият кескинлигича қолаётгани таъкидлади. Россия Бош консуллигининг фикрига Афғонистоннинг Россиядаги элчихонаси ҳам қўшилади.
“Улар мамлакатга кириш хавфли эканини тушуниб, афғон ҳукумати томонидан уюштирилган ташриф учун тадбиркорларга виза беришга ҳаракат қилади. Бу ҳукумат имкони борича ташриф буюрувчиларнинг хавфсизлигини кафолатлашини англатади”, — дейди Путиннинг Афғонистон бўйича махсус вакили.
Изоҳ (0)