Шу йил баҳорда Англиянинг Ёркшир шаҳрида яшовчи Оливе Эдвардс ўзининг 109 ёшини нишонлади. Аёл унинг умрини узайтиришга ёрдам берган ва шу ёшда ҳам жозибадорликни йўқотмаслик борасидаги сирлари билан бўлишди.
Маълум бўлишича, Оливе бутун ҳаёти давомида амал қиладиган бир нечта фойдали одатларга риоя қилган. Аёл кунига уч марта овқатланади, кўп сув ичади ва фаол ҳаёт тарзини олиб боради. Мисол учун у кексайгунига қадар спорт билан шуғулланган ва жамоат транспорти ёки машинадан кўра узоқ пиёда юришни афзал кўради. Шунингдек, 80 ёшгача неваралари билан футбол ва крикет ўйнаганини айтади. Оливе қушқўнмас билан пиширилган лосос балиғини севиб тановул қилади.
Дарвоқе, ўтган йили унинг 108 йиллиги муносабати билан ёзилган байрам дастурхонини қушқўнмасли лосос балиғи безаб турган эди. Аёлнинг кампанияси — оиласи, дўстлари ва унинг кумири — Елизавета II нинг фотосуратидан иборат. Қиролича ҳам ҳам узоқ умр кўрди: 96 ёшида вафот этди.
Эътибор беринг, қироличанинг ҳам узоқ умр кўриш сирлари Оливе Эдвардснинг одатларига ўхшаш эди. Собиқ малика жисмоний фаолиятнинг муҳимлигини таъкидлаган, аммо фақат одам ўзига ёққан машғулот билан шуғулланиши кераклигини маслаҳат берган: ўзи эса от миниш ва севимли корги зотли кучуги билан мунтазам пиёда юришни ёқтирган. Елизавета, шунингдек, барра маҳсулотлардан тайёрланган оддий таомларни афзал кўрган.
Бу йилги туғилган куни учун Оливега гулдаста кўринишидаги туғилган кун торти совға қилинди ва қирол Чарльз III нинг ўзи аёлга байрам картасини юборганди.
.jpg)
Оливе кўп йиллар бошланғич мактаб ўқитувчиси бўлиб ишлаган ва ҳозир у тикувчилик билан машғул бўлишни ёқтиради: у буюмлар тўқийди, кийимлар учун турли безаклар тикади. Аёлнинг икки қизи, шунингдек, невара ва чеваралари бор. Оливе умри давомида иккита жаҳон урушидан омон қолди ва ҳар қандай вазиятда ҳам таслим бўлмаслик ва олдинга интилишда давом этиш кераклигини ишонч билан таъкидлайди.
Оливе Эдвардс узоқ умр кўриш бўйича барча рекордларни янгилаган ягона инсон эмаслигини қайд этиш лозим. Масалан, испаниялик Мария Браняс Морера 115 ёшда, япониялик Фуса Тацуми эса яқинда 116 ёшини нишонлади.
Изоҳ (0)