Жорий йилнинг 6 июнь куни Рим шаҳрида Ўзбекистон ва Италия ишбилармон доиралари бизнес-форуми бўлиб ўтди. Унда Ўзсаноатқурилишбанк ҳамда Банcа Пополаре ди Сондрио ўртасида савдо ва инвестициявий молиялаштириш соҳасида 50 млн еврога тенг ҳамкорлик битими имзоланди.
Ҳужжатда Банcа Пополаре ди Сондрио кредит маблағлари тадбиркорлик субъектларининг савдо амалиётлари ҳамда Италия ва бошқа Европа мамлакатларидан технологик асбоб-ускуналар импорт қилинишини назарда тутувчи инвестисион лойиҳаларни молиялаштиришга қаратилади.
Таъкидлаш жоизки, Италия бизнес вакилларининг Ўзбекистонга нисбатан қизиқиши ўсиб бораётган бир пайтда молия муассасалари ҳамкорлигининг кенгайиши томонлар ишбилармон доираларига ҳар томонлама қулай имкониятлар яратади.
Бугунги кунда Ўзсаноатқурилишбанкънинг Банcа Пополаре ди Сондриўдан ташқари Униcредит С.п.А, Интеса Санпаоло, Саcе экспорт-кредит агентликлари билан ҳам ўзаро самарали алоқалар йўлга қўйилган.
Президентимизнинг Италияга ташрифи доирасида бўлиб ўтган мазкур тадбирда, шунингдек, Ўзсаноатқурилишбанк томонидан муассаса фаолияти ва Ўзбекистонда бизнес-лойиҳаларни молиявий қўллаб-қувватлаш имкониятларига бағишланган тақдимот ҳам ўтказилди.
Реклама ҳуқуқи асосида.
Изоҳ (0)