Охирги маълумотларга кўра, мамлакатда Huawei қурилмаларидан 500 000 дан ортиқ одам фойдаланади.
“Korzinka”, Ўзбекистоннинг энг йирик савдо тармоғи, “Huawei AppGallery” дўконида ўзининг мобил иловасини тақдим этди.
“Android” ва “iOS” қурилмалари учун яратилган версиялари каби янги иловада ҳам барча керакли функциялар мавжуд:
- “Korzinka Plus” картасини очиш ва улаш,
- онлайн-каталог,
- ваучер балансини текшириш,
- харидларни тўлаш учун банк карталарини улаш,
- ZoodPay орқали муддатли тўлов эвазига харид қилиш,
- қоғозли чекларни чоп этишни ўчириш,
- банк картаси билан “Korzinka” иловаси орқали товарларни тўлашда Солиқ қўмитасидан кешбэкни автоматик тарзда ҳисобга ўтказиш
“Ўзбекистонда Huawei қурилмаларидан 500 000 дан ортиқ одам фойдаланади ва биз AppGalleryъда Korzinka иловасини чоп этиш орқали уларга янги имкониятларни тақдим этишдан мамнуммиз. Биз янада яхшироқ ва яқинроқ бўлиш тамойилига амал қилган ҳолда, мобил иловамизни ҳаммага фойдали ва қулай бўлиши учун бор кучимизни ишга соламиз”, — деб изоҳ берди Korzinka супермаркетлар тармоғи маркетинг департаменти директори Малик Каримов.
“Korzinka” Ўзбекистоннинг “Huawei” фойдаланувчилари учун илова ишлаб чиққан биринчи супермаркет тармоғи бўлди.
Мобил иловасини ҳавола орқали юклаб олиш мумкин.
Компания ҳақида:
“Korzinka” – 1996 йилда ташкил этилган Ўзбекистондаги энг йирик ва етакчи супермаркетлар тармоғи. Айни пайтда компания таркибига мамлакатнинг 10 та ҳудудида 113 та дўкон: “Korzinka” супермаркетлари, “Смарт” уй ёнидаги дўконлари, “Korzinka Дисконт” ва “Korzinka Бизнес” B2B улгуржи савдо форматидаги, шунингдек, “Лебазар GO” онлайн етказиб бериш хизмати киради.
Платформа ҳақида:
“AppGallery” — Huawei қурилмалари учун 2018 йилда дунёга тақдим этилган расмий иловаларни тарқатиш платформаси. Ҳозирда дунёдаги энг машҳур иловалар дўконлари учлигига киради.
Реклама ҳуқуқи асосида.
Изоҳ (0)