Украинанинг ҳужуми ҳафталаб ёки ойлаб давом этади, деди Франция президенти Эммануэл Макрон полшалик ҳамкасби Анжей Дуда ва Германия канцлери Олаф Шольц билан 12 июнь кунги қўшма матбуот анжуманида. Бу ҳақда Barrons нашри ёзмоқда.
“Биз бунинг имкон қадар муваффақиятли кечишини истаймиз, шундагина музокаралар босқичини маъқул шартлар билан бошлашимиз мумкин”, — дея қўшимча қилди Макрон.
Шу куни АҚШ Давлат котиби Энтони Блинкен ҳам Украина ҳужуми ҳақида фикр билдирди.
“Ҳужумнинг бориши Украина жанг майдонида муваффақият қозониши учун ҳозир уни қўллаб-қувватлашимизни максимал даражада ошириш зарурлигини кўрсатди”, — деди у.
Россия Мудофаа вазирлиги ва ОАВ Украина армияси ўтган ҳафта йирик ҳужумларга ўтганини хабар қилганди. Киев бу ҳақда расман эълон қилгани йўқ. Bloomberg Украина Қуролли кучлари оғир талафотлар кўраётгани ҳақида ёзди. Агентлик суҳбатдошининг айтишича, Киев ўз ҳаракатлари билан Россия мудофаасининг заиф томонларини топишга уринмоқда. Телеканал манбаси ҳозирча Украина Қуролли кучларининг ҳаракатларини “жанговарда разведка” деб аташ тўғрироқ бўлишини таъкидлади.
Аввалроқ Украина кенг кўламли қарши ҳужумга деярли тайёр экани, аммо унинг муваффақиятига учта омил тўсқинлик қилиши мумкинлиги айтилган эди.
Изоҳ (0)