Европа Чемпионлар Лигаси финалида Англиянинг “Манчестер Сити” ва Италиянинг “Интер”и ўзаро кураш олиб боради. Иккала жамоа мураббийлари ўйин олдидан ўз фикрларини билдириб ўтди.
“Манчестер Сити” бош мураббийи Пеп Гвардиола:
Одамларнинг фикрларини назорат қила олмайман. Шунчаки қиладиган ишимизга эътибор қаратишимиз лозим. Барчаси ўйинда ҳал бўлади. 95 дақиқани энг яхши ўтказа олган жамоа ғолиб бўлади.
Тарихга қаралса, “Интер” бизни ҳайратда қолдиради. Лекин бу муҳим эмас. Биз рақибдан яхшироқ ўйнашимиз лозим. Мана шу ҳал қилувчи омил бўлиб хизмат қилади.
“Интер” бош мураббийи Симоне Инзаги:
“Манчестер Сити” юқори даражадаги жамоа. Ҳозирги кунда энг яхши жамоа.
Финалга чиққанимиздан фахрланамиз. Ғалаба учун бор кучимизни сарфлаймиз. Диққатни жамлаган ҳолда ўйнаймиз. Бирорта хатога йўл қўймаслигимиз керак.
Тарих ёзиш имкониятимиз бор. Албатта, ғалабани қўлга киритиш қийин кечади, лекин биргаликда ишлаган ҳолда буни уддалашга ҳаракат қиламиз.