Сомалининг Кориолей шаҳри яқинидаги ўйин майдонида урушдан қолган ўқ-дорилар портлаб кетди. Камида 25 нафар бола ҳалок бўлди, яна бир неча киши яраланди. Бу ҳақда кеча Sinxua хабар берди.

Болалар ўйнайдиган очиқ майдонда эски бомбаларнинг портлаши фожиага сабаб бўлди, дейилади хабарда.

22 нафар боланинг жасади маҳаллий шифохонага етказилган, яна икки бола касалхонада вафот этган. Бир бола Могадишодаги пойтахт касалхонасига даволаниш учун юборилган, бироқ у йўлда вафот этган.

Қурбонларнинг барчаси 10–15 ёш орасидаги ўғил болалар эди.

Аввалроқ Сомали пойтахти Могадишода 100 дан ортиқ киши теракт қурбони бўлган эди. Одамлар гавжум чорраҳада жойлашган Таълим вазирлиги биноси яқинида кучли портлашлар юз берган.

Ноябрь ойида Сомали пойтахтида террорчилар меҳмонхонани эгаллаб олиш чоғида ўнлаб одамларни ўлдирган. Бинони озод қилиш операцияси чоғида дронлардан зарбалар берилган ва махсус кучлар жалб қилинган.