Шаҳзода Гарри ва Меган Чарльз III нинг туғилган куни муносабати билан ўтказиладиган парадга таклиф қилинмади. Бу ҳақда Daily Mail хабар бермоқда.
14 ноябрь куни Буюк Британия қироли 75 ёшга тўлади. Чарльз III юбилейига бағишланган тантаналар 17 июнь куни Лондонда бўлиб ўтадиган анъанавий қироллик паради билан бошланади. Тадбир монарх учун янги мақомдаги биринчи бўлгани учун алоҳида миқёсда ўтказилиши кутилмоқда.
Сассекс герцоги ва герсогиняси, афтидан, байрамни ўтказиб юборишади.
“Мен шаҳзода Гарри ва Меган келаси дам олиш кунлари ўтказиладиган қиролнинг туғилган куни парадига таклиф қилинмаганини эшитдим”, — деди қироллик эксперти Ричард Эден.
“Фикримча, бу ҳозирда (шаҳзода Гарри ва қирол Чарльз III ўртасидаги) муносабатларнинг ҳолатини акс эттиради”, — дея қўшимча қилди у.