Европа Иттифоқида ҳозирда Россияга қарши Европа санкцияларини бузиш бўйича 230 та тергов ҳаракатлари олиб борилмоқда, деди Еврокомиссар Дидье Рейндерс Европа Иттифоқининг Адлия бўйича кенгаши йиғилиши якунлари бўйича матбуот анжуманида.
“Биз музлатиб қўйилган активлар бўйича ишчи гуруҳ фаолиятини ҳам муҳокама қилдик... Европа Иттифоқи санкциялар рўйхатидаги жисмоний шахслар ва компанияларнинг 24,3 миллиард евро миқдоридаги активларини музлатиб қўйди.
Шунингдек, бугун биз Европа Иттифоқи ҳудудида санкцияларни бузгани учун 230 та тергов ҳаракатлари олиб борилаётганини тасдиқладик”, — деди у.
Еврокомиссарнинг сўзларига кўра, “муҳокама, шунингдек, Украина учун ресурслар ишлаб чиқаришда Россия суверен активларидан фойдаланиш ҳақида бўлган. Шу кунгача ЕИга аъзо давлатлар Россия Марказий банкининг 200 миллиард евродан ортиқ иммобилизация қилинган активлари ҳақида хабар беришган”.
Изоҳ (0)