Украина президенти Владимир Зеленский Германиянинг Билд нашрига берган интервьюсида фарзандлари ва уларнинг қаерда эканлиги ҳақида гапирди. 

Зеленскийнинг сўзларига кўра, унинг ўғли Кирилл ва қизи Александра хорижга кетиши мумкин эди, бироқ фарзандлари фронтга кетаётган бошқа одамларга нисбатан бу адолатли қарор эмас. Шунинг учун, у болалари Украинада қолганини қайд этди. Бундан ташқари президент рафиқаси билан фарзандларини хорижга жўнатиш бўйича тасаввур бўлмаганини таъкидлади.

“Фарзандларим Украинада, ўғлим 10 ёшда, у ҳам Украинада. Чет элга кетиши мумкин эди, лекин у бундай қила олмайди. Чунки мен ёки рафиқамда кимдир боласини жангга жўнатган бир пайтда, болаларимиз чет элда денгизда бўлиши ҳақида тасаввур йўқ. Бу инсофсизлик ва адолатсизлик бўлади”, — деди Зеленский.

У ўз фарзандларини жуда яхши кўришини ва улар учун қўрқишини қўшимча қилди: “Биз бир-биримизсиз ҳаётимизни тасаввур қилишимиз жуда қийин”.

Зеленский Украинада қолди

Зеленский ва Украина ҳукумати босқин бошланганидан бери пойтахтда қолмоқда, улар Россия қўшинлари Киев чеккасида жойлашганида ҳам пойтахтда бўлган. Бу кўпчиликни ҳайратда қолдиради. Дастлаб Путин, эҳтимол, Владимир Зеленский Украинанинг ғарбий минтақаларига ёки чет элга қочиб кетишига ишонган. Украина президентига АҚШ шундай таклиф берган.

Зеленский АҚШнинг эвакуация таклифи бўйича Associated Press нашрига берган жавоби эса афсонага айланди. Инглиз тилидан таржима қилинганда, у шундай янграйди: “Менга такси эмас, ўқ-дорилар керак”. Бу сўзларни Украина президенти ишлатганми ёки йўқми, ҳеч қандай далил йўқ. Аммо қисқа бир ибора унинг кайфиятини аниқ ифодалаган, чет элда кўплаб ҳамдардликларни келтириб чиқарган ва мамлакат руҳиятини оширган.