“Тошкент шаҳри аҳолиси ва ҳудудининг сейсмик хавфсизлигини таъминлаш тизимини янада такомиллаштиришга оид қўшимча чора-тадбирлар тўғрисида”ги пойтахт ҳокимининг қарори қабул қилинди.
Қарор билан сейсмик хавфсизликни таъминлаш ва қурилишда назоратни кучайтиришга оид чора-тадбирлар дастури тасдиқланди. Шунингдек, Ўзбекистон аҳолиси ва ҳудудининг сейсмик хавфсизлигини таъминлаш тадбирларини мувофиқлаштириш бўйича республика кенгаши тузилди.
Қайд этилишича, бино ва иншоотларнинг конструкциялари техник ҳолати бўйича инструментал-техник текширув хулосалари ҳамда муҳандислик-геологик тадқиқотлар ўтказилганини тасдиқловчи ҳужжатларга тадқиқотларни ўтказишнинг барча жараёнлари видеотасвири (Ишларни бажариш санаси ва вақти кўрсатилган ҳолда) ва лаборатория натижалари илова қилинади, “Шаффоф қурилиш” миллий ахборот тизимига киритиб борилади ва уларнинг реестри юрилади.
Инструментал-техник текширув ва муҳандислик-геологик тадқиқотларни ўтказадиган ташкилотлар ўтказилган ҳар бир тадқиқот ва улар бўйича берилган ҳар бир хулосанинг сифати ва ҳаққонийлиги учун жавобгар ҳисобланади.
Шу билан бирга, Тошкент шаҳрида сейсмик хавфсизликни таъминлаш ва қурилишда назоратни кучайтиришга оид ҳудудий чора-тадбирлар дастури тасдиқланмоқда.
Тошкент шаҳар ФВБ, ССББ, Ободонлаштириш бош бошқармаси, туман ҳокимлари, манфаатдор ташкилотлар билан биргаликда 2023 йил 1 августга қадар туманларда кучли ва талафотли зилзила оқибатида аҳоли ҳаётини сақлаб қолиш учун зарур бўлган махсус инфратузилмаларни яратиш бўйича аниқ чораларни белгилайди ва келишиш учун Республика кенгашига киритади.
Изоҳ (0)