Тошкент вилояти Тошкент туманида каналда оқиб кетган 5 ёшли боланинг жасади топилди. Бу ҳақда “Дарё”га Бош прокуратура ахборот хизмати раҳбари Ҳаёт Шамсутдинов маълум қилди.
Бола 3 июнь куни яшаш уйининг олд томонидан оқиб ўтувчи Захариқ каналига эҳтиётсизлиги оқибатида тушиб кетиб, оқиб кетганди. Уни қидириб топиш бўйича олиб борилган барча зарур тезкор чоралар натижасида боланинг жасади 7 июнь куни топилган.
Бундан бир неча кун аввал Тошкент вилоятининг Янгийўл шаҳридан оқиб ўтувчи Жўнариқ каналида 16 ёшли бола чўкиб кетганди. Унинг жасади бир кун ўтиб, 4 июнда топилган.
Фарғона вилояти Қўштепа туманида эса 25 май куни Катта Фарғона каналига чўмилишга борган мактаб битирувчиларидан бири сувдан қайтиб чиқмаган. 9 кун давомида қидирув ишлари натижасида унинг жасади 3 июнь куни топилган.