Таиланд полицияси Пхукет оролида Қозоғистон фуқаросини Россия фуқаросини ўлдиришга уринганликда гумон қилиб, қўлга олди. Бу ҳақда “KazTAG” хабар берди.

Қозоғистон фуқароси 7 июнь куни россиялик ўз машинасида тўхташ жойидан чиқиб кетаётганида унга бир неча марта ўқ узган. Ҳужумдан кейин у воқеа жойидан скутерда қочиб кетган, шахсий кузатув камералари туфайли уни аниқлашган.

Отишма содир этган шахс 49 ёшли Қозоғистон фуқароси бўлиб чиққан. У мамлакатни тарк этмоқчи бўлган вақтида Пхукет халқаро аэропортидаги чипталар кассасида қўлга олинган.

Жабрланувчи Пхукетга келган руслар орасида машҳур бўлган ресторанлардан бирининг эгаси. У оғир ўқ жароҳати билан касалхонага етказилган ва ўқни олиб ташлаш учун операция қилинган.

Полиция отишма содир этилган жойдан бир километр нарида дарё қирғоғида қозоғистонлик эркакнинг қуроли, курткаси, пойабзал и ва қўлқопларини топган.

Талгат Сатибалди, Остона