Ўзбекистонда май ойида Wоnder Women халқаро ҳамжамияти Котех бренди билан биргаликда хотин-қизларни қўллаб-қувватлаш мақсадида “Демак, мен ҳам қила оламан!” номли ташаббус ўз ниҳоясига етди.
Лойиҳанинг асосий мақсади — хотин-қизларнинг ҳаётий мисоллари орқали ўзларини намоён қилишлари учун имкониятлар доимо борлигини кўрсатиб беришдир. Бунда асосийси қўрқмаслик, дадиллик ва ҳаракатда бўлишдир, чунки натижага — фақат интилиш бўлган жойда эришилади.
Олий таълим, фан ва инновациялар вазирлиги кўмагида Ўзбекистоннинг қатор давлат университетларида ташкил этилган “Wоnder Women Talks” туркумидаги оммавий маърузалар лойиҳанинг муҳим қисми бўлди. Мамлакатдаги муваффақиятли аёлларнинг ёрқин намуналари, фикр етакчилари, Wоnder Women вакиллари талабалар билан билан учрашишди.
Жумладан, Фарғона ва Самарқанд давлат университетларида жами 400 дан ортиқ талаба иштирок этган тадбирларда инсон ҳуқуқлари бўйича ҳуқушунос Дилфуза Куралова ва Самарқандда туғилган ва ҳозирда Ўзбекистондаги Америка Савдо Палатаси ижрочи директори лавозимида ишлаб келаётган Татьяна Биструшкина илҳомлантирувчи ҳикоялар билан ўртоқлашишди.
Пойтахтимизда Низомий номидаги Тошкент Давлат Педагогика Университетида 500 нафар талаба ва ўқитувчилар учун ҳам шундай учрашув бўлиб ўтди. Унда Олий таълим, фан ва инновациялар вазирлиги бўлим бошлиғи Фазилат Қодирова ва Осиё тараққиёт банки матбуот котиби Наргиза Алиқуловалар уч фарзандли оналари бўлишига қарамай, ўзларининг илҳомлантирувчи ҳикоялари билан ўртоқлашдилар ва фарзандлари қандай қилиб илм изланишга, тараққиётга ва касбий муваффақиятга ундашлари мумкинлигини намойиш этдилар.
“Университет талаба қизларининг кўзларида оловни кўриш - бу бебаҳодир. Ҳар сафар тадбир сўнгида қизлар бизни узоқ вақт қўйиб юборишмас, суҳбатлашишни, маслаҳат ва мадад олишни исташарди. Ана шундай дамларда биз аёллар учун қўллаб-қувватлашга бўлган талаб нақадар юқори эканини тушунамиз”, — деди Wоnder Women ҳамжамияти асосчиси Рада Исламова. “Қатнашчилар ёши ва маданий жиҳатидан бутунлай хилма-хил бўлишига қарамай, уларни бир нарса – илм олиш ва ривожланиш истаги борлигини кўриш кўнглини тўлдирди. Биз яна бир бор амин бўлдикки, агар аёллар бир-бирини қўллаб-қувватласа, улар кўп нарсага қодирдир”, - дея қўшимча қилди Рада.
“Одамлар нима дейди?” деб номланган ва Wоnder Women Instagram саҳифасида (@wonderwomenhub) эфирга узатилган видео ҳикоялар туркуми ҳам лойиҳанинг муҳим қисми бўлди.
Уч нафар қаҳрамон аёл ўз мисолида платформаларидаги видео тарихларида аёл киши хоҳишини бошқаларнинг фикридан қўрқмай қандай рўёбга чиқариши мумкинлигини гапириб беради.
Улар Самира Латипова — Ўзбекистондаги йирик озиқ-овқат етказиб бериш хизматларини кўрсатувчи Ехрресс24'да Product Оwner, Наргиза Аликулова — уч фарзанднинг онаси, ижодкор шахс ва Осиё тараққиёт банки ваколатхонасининг матбуот котиби, Мафтуна Ахадова — Тошкентдаги Ipact.Т Technology Hub, IT-хаб ва коворкинг бошқарувчиси. Уларнинг Ўзбекистонда энг кенг тарқалган стереотиплар ҳақидаги ҳикоялари:
- агар ишлайдиган она бўлсангиз, унда сиз ёмон онасиз;
- турмуш қурган бўлсангиз ва ишлаётган бўлсангиз, эрингиз касбий ўсишингизни қўллаб-қувватламайди;
- агар сиз турмуш қурмаган бўлсангизу, лекин ўз карьерангиз билан шуғулланаётган бўлсангиз, сизнинг хоҳишингиз жиддий қабул қилинмаяпти ва қариндошларингиз бир вақтнинг ўзида сизга эр излаётган бўлишади.
Қайд этиш жоизки, акция КОТЕХ бренди томонидан қўллаб-қувватланди. Марина Койшигулова, катта бренд менежери шундай деди: “Бизнинг жамиятимизда аёллар ва уларнинг мавқеи билан боғлиқ бўлган табу мавзулар ҳали ҳам кўп. Ўтган йили биз биринчи марта Wоnder Women жамоаси билан танишдик. Бизда қадриятлар, шунингдек, мақсад ва вазифалар бўйича кўплаб ўхшаш томонлар мавжуд. Wоnder Women яхши кун тартибига эга, у КОТЕХ брендини жуда қизиқтиради ва уни қўллаб-қувватлашдан мамнунмиз. Биз узоқ вақт давомида аёлларнинг салоҳиятини рўёбга чиқаришга қаратилган лойиҳаларни амалга ошириш учун қадриятларимизни улашадиган шерикни излаганмиз - ва Wоnder Women ҳамжамияти бу ролга жуда мос келди ва бизга аёлларнинг ҳақиқий ҳикояларини таклиф қилди. Шунинг учун биз ушбу лойиҳани биргаликда амалга оширмоқдамиз”.
Бу каби махсус лойиҳалар орқали хотин-қизларни чиндан ўйлантирадиган ва ўз тафаккурини ўзгартиришга қаратилган мавзуларни кўтаришга ва ҳаракатга чорлашга ёрдам беради. Бугунги кунда Wоnder Women ҳамжамияти 40 та мамлакат ва 140 та шаҳардан 10 мингдан зиёд хотин-қизларни бирлаштирди.
Wоnder Women веб-саҳифаси: wonderwomenhub.com
Котех веб-саҳифаси: kotex.uz
Реклама ҳуқуқи асосида.