Оғриқни қолдиради, оқартиради: нима учун тишни сода билан чайиш керак ва бу қай тартибда бажарилади?

Тиш оғриғи тўсатдан ҳар қандай одамда пайдо бўлиши мумкин. Қўлда оғриқ қолдирувчи воситалар бўлмаса нима қилиш керак? Оддий сода ёрдамга келади. У қандай ёрдам бера олади? Тишларингизни сода билан қандай ювиш кераклигини ушбу мақоладан билиб олинг.

Нима учун тиш сода билан ювилади?

Бу ўткир ва тўсатдан пайдо бўладиган оғриқни йўқотиш учун ажойиб воситадир. Бу сизга тиш шифокорига боришдан олдин вақтни ўтказиш имконини беради. Сода антибактериал ва дезинфекцияловчи хусусиятларга эга, оғиз бўшлиғи шиллиқ қаватидаги барча патоген бактерияларни йўқ қилади.

Шунингдек, оғиз бўшлиғи гигиенасини сақлаш учун кун давомида кучсиз сода эритмасидан фойдаланиш мумкин. Ҳар бир овқатдан сўнг тишларни ювиш эмалнинг ҳолатига салбий таъсир қилади ва бу эритма озиқ-овқат қолдиқларини мукаммал тарзда олиб ташлайди, бляшкалар шаклланишига тўсқинлик қилади.

Сода яна бир хусусиятга эга — у тишни оқартиради. Аммо тез-тез ишлатилса, у эмални емиради, шунинг учун бу усулга мурожаат қилишдан олдин тиш шифокорига мурожаат қилиш керак, эҳтимол у бундан-да муқобил воситани таклиф қилади.

Тишлар сода билан қандай ювилади?

Эритма қуйидаги нисбатларда тайёрланади:

• Бир стакан илиқ қайнатилган сув;
• Бир чой қошиқ сода.

Эритманинг антибактериал хусусиятини ошириш учун унга ярим чой қошиқдан кўп бўлмаган миқдорда оддий ош тузини қўшишингиз мумкин. Худди шу мақсадда, бир томчи ёд қўшса бўлади. Сув илиқ бўлиши керак, иссиқ сув оғриқни оширади.

Тишларингизни сода билан яхшилаб ювиб ташланг. Бир ювиш 15-20 сония ва бутун жараён камида 5 дақиқа давом этиши лозим. Бу ҳолда таъсир максимал бўлади.

Тиш милки касаллиги учун истеъмол содаси билан ювиш мумкинми? Зарарни олдини олиш учун тиш шифокорига мурожаат қилган маъқул.

Агар шифокор тиш олиб ташлангандан кейин ювишни буюрган бўлса, буни эҳтиёткорлик билан бажариш керак. Асосийси, тешикдаги қон қуйқасини ювмаслик зарур — бу уни инфекциядан ҳимоя қилади, акс ҳолда алвеолит ​​яъни, тиш илдизи жойининг яллиғланиши ривожланиши мумкин.

Шуни эсда тутиш керакки, сода билан тишни чайиш оғриқни даволашнинг мустақил усули эмас, балки фақат уни енгиллаштиришга ёрдам беради.