Кино бутун жамоа томонидан яратилади: сценарий муаллифлари, режиссёрлар, либос дизайнерлари, лекин биринчи навбатда томошабин актёрни кўради. Бутун улкан жамоанинг иши барбод бўладими ёки фильм хитга айланадими, бу актёрлик маҳоратига боғлиқ.

Селма Эргеч Ҳатиче Султон ролида (“Муҳташам юз йил”)

Селма Эргеч “Муҳташам юз йил” фильмида суратга тушганидан сўнг мухлислари янаям кўпайди. У аста-секин золимга айланадиган султоннинг вазмин ва қўрқоқ синглиси ролини ўйнайди. Шунга қарамай Ҳатиче томошабинда ўзига нисбатан раҳм-шавқат уйғотади. Актриса Селма образига меҳрини берди, қаҳрамонини “жонлантиришга” муваффақ бўлди.

Силвестр Сталлоне самариялик ва унинг эгизак укаси (“Самариялик”)

Силвестр Сталлоне — кинотанқидчиларни унчалик ёқтирмайдиган, аммо оддий томошабин томонидан севиладиган актёр. Актёр “Самариялик” номли суперқаҳрамонлик фильмидаги роли сабаб “Олтин малина” номинациясига лойиқ ко;рилди. Лекин гап унинг ёмон ижросида эмас, фильмнинг ўзи заиф бўлиб чиққанида. Ҳар ҳолда, томошабинлар шундай фикрда.

Метт Смит Деймон Таргарен ролида (“Аждаҳо уйи”)

Жамоатчилик Метт Смитни “Доктор Ким” фильмидан билар эди, аммо ҳақиқий шон-шуҳрат унга “Аждаҳо уйи”дан кейин келди. Унинг қаҳрамони шаҳзода Деймон харизматик эгоист бўлиб, бир сўз билан айтганда, барча яхши қизлар ошиқ бўлган классик ёмон бола.

Эми Адамс Анна Фокс ролида (“Дераза ёнидаги аёл”)

Эми Адамс рол ўйнаган триллер кинотанқидчиларга ёқмайди ва “Олтин малина” мукофотига номзод бўлади. Аммо томошабинларнинг баъзилари фильм етарлича баҳоланмаганини ва актриса чиройли ўйнаганини айтишади.

Вайнона Райдер Жойс ролида (“Жуда ғалати ишлар”)

Томошабинлар экранда Вайнона Райдер пайдо бўлса, унинг соҳибжамол образини яратишига ўрганиб қолган. Аммо “Жуда ғалати ишлар” фильмида у икки ўғилни тарбиялаётган ёлғиз она ролини ижро этади. Баъзи томошабинларнинг таъкидлашича, актриса ҳатто ҳис-туйғуларни ҳам жуда ишончли ижро этган.

Чжи Чан Ук Хилер ролида (“Хилер”)

Томошабинлар триллер, комедия ва соғлом севги чизиғининг мукаммал уйғунлиги сабаб “Хилер” сериалини яхши кўришади. Чжи Чан Ук ўйнаган бош қаҳрамон Хилер тахаллусига эга. У пул учун турли топшириқларни бажаради, лекин бир куни севиб қолади ва энди бошқа одамга айланади. Чжи Чан Ук актёрлик маҳорати билан бу воқеани ҳақиқатга айлантиради ва уни қайта-қайта кўриш истагини уйғотади.

Аня Тейлор-Жой Нелла ролида (“Миниатюрачи”)

Фильм воқеалари XVII асрда Амстердамда бўлиб ўтади. Камбағал қиз (Аня Тейлор-Жой) оила фаровонлиги учун бой одамга турмушга чиқади. Эр ёш хотинига уйнинг миниатюра макетини беради, кейин ғалати нарсалар содир бўла бошлайди. Кино танқидчилар Тейлор-Жойни мазкур фильмдаги қойилмақом ижроси сабаб “фантастик актриса” деб эътироф этишди.