“Вагнер” раҳбари Евгений Пригожин Россия Белгород вилоятида душманни йўқ қилиш операцияси ниқоби остида ўз ҳудудига ядро қуроли билан зарба бериши мумкинлигини айтди.

Пригожиннинг сўзларига кўра, ҳозирги вазият бундай зарбага тайёргарлик кўришга жуда ўхшайди.

“Қўрқаманки, улар ўз ҳудудларига қандайдир ядро бомбасини ташлаши мумкин. Биз Белгород вилоятида орқага чекинаётганимиз ва уларга олдинга силжишларига имкон берганимиз сабаби шу эмасми, бегона ҳудудга ядро қуролини ташлаш қўрқинчли, лекин ўзимизникига ташлаймиз. Бу бизнинг қандай руҳий касал эканимизни кўрсатади”, — дейди Пригожин.

У Россияда Белгород вилоятига тактик ядро қуроли билан зарба бериш қишлоқлардан бирида душманни йўқ қилиш операцияси сифатида ниқобланиши мумкинлигини айтди. Бироқ, у Мудофаа вазирлигининг бепарволигига ишора қилиб, Россия ядросининг хизмат кўрсатиш қобилиятига шубҳа билдирди.

Бундан ташқари, “Вагнер” раҳбари Россия мудофаа вазири Сергей Шойгуга Белгород вилоятини озод қилиш учун икки ҳафта вақт берди, акс ҳолда “Вагнер” у ерга боришини таъкидлади. Бироқ, Пригожин ёлланма аскарлар “ёлғиз ўлмайди”, балки у эрда мунтазам қўшинлар ҳам улар билан жанг қилишини айтди.