Японияда “Мавар” тўфони фонида кучли ёғингарчилик натижасида уч киши бедарак йўқолди, яна уч кишининг аҳволи оғир, 40 дан ортиқ киши жароҳатланди, деди мамлакат ҳукумати бош котиби Хироказу Матцуно.
Аввалроқ бир киши ҳалок бўлгани ҳақида хабар берилганди.
“Бу соатга келиб бир кишининг ўлими аниқланди, уч кишининг аҳволи оғир, яна уч кишининг хавфсизлигини тасдиқлашнинг иложи йўқ. Жароҳат олган 5 кишининг ҳаёти учун шифокорлар курашмоқда, яна 36 киши енгил тан жароҳати олди”, — деди Матцуно Токиодаги матбуот анжуманида.
Япония ҳукумати 2 июнь куни “Мавар” тропик бўрони сабабли Япония бўйлаб қарийб 1,3 миллион кишини эвакуация қилишни тавсия қилганди.
Табиий офат натижасида мамлакат бўйлаб 300 дан ортиқ рейс ва 52 та паром бекор қилинган, шунингдек, бир қанча темирйўл линиялари вақтинча ёпилганди.
Изоҳ (0)