Украинанинг “Келажак институти” (УИФ) ҳисоб-китобларига кўра, уруш бошланганидан кейин Украина аҳолиси 2023 йилнинг май ойи ҳолатига кўра 37,6 миллиондан 29 миллион кишига камайди.
Маълумотлар акс этган инфографика ташкилотнинг телеграм каналида эълон қилинди.
Россия Украинада уруш бошлаганидан кейин 20 миллиондан ортиқ одам мамлакатни тарк этган, шундан 8,6 миллион украиналик ватанига қайтмаган.
Институтнинг қайд этишича, ҳозир мамлакатда истиқомат қилаётган 29 миллион кишидан атиги 9,1-9,5 миллион украиналиклар ишлайди.
“Агар давлат ходимлари ушбу рўйхатдан чиқарилса, 6-7 миллионга яқин одам қолади. Улар бошқаларни - 22-23 миллион кишини, жумладан, нафақахўрлар, болалар, талабалар, ишсизлар, парваришга муҳтожлар, давлат сектори ходимларини елкасида кўтариб турган жамоадир", - дейилади хабарда.
Изоҳ (0)