Нидерландия радиоэшиттириш корпорацияси хабарига кўра, бир кечада Амстердамда учта портлаш содир бўлди.
Норд туманидаги бир-бирига яқин жойлашган учта кўчада жойлашган бинолар олдида портловчи мосламалар соат 03:15 билан 03:50 оралиғида ишга тушган. Портлашлар натижасида ҳеч ким жабрланмаган.
Биринчи портлашдан кейин ёнғин келиб чиққан, у махсус хизмат вакиллари томонидан тезда ўчирилган. Портлаш кучидан яқин атрофдаги биноларнинг эшиклари ва фасадлари шикастланган.
Воқеа жойида бўлган 21 ёшли йигит гумонланувчи сифатида қўлга олинган. Ҳозирда мазкур ҳолат бўйича тергов ҳаракатлари олиб борилмоқда.
Изоҳ (0)