Тошкентда аҳоли мурожаатини ўрганаётган журналистни номаълум шахс ҳақорат қилгани акс этган видео тарқалиб, турли муҳокамаларга сабаб бўлганди. Суд ҳукми билан ушбу шахс жавобгарликка тортилди.
Пойтахт ИИББ матбуот хизмати берган маълумотга кўра, воқеа 3 июнь куни Мирзо Улуғбек тумани Осиё кўчасидаги кўп қаватли уйлардан бирининг олдида юз берган. 1993 йилда туғилган М.Я. жамиятда юриш-туриш қоидаларини менсимасдан MY5 телеканали журналисти бўлган Н.Тешаев билан оғзаки жанжаллашиб, жамоат тартибини бузган.
Мазкур ҳолат юзасидан Маъмурий жавобгарлик тўгрисидаги кодекснинг 183-моддаси (майда безорилик) билан маъмурий баённома расмийлаштирилган.
Жиноят ишлари бўйича Мирзо Улуғбек туман судининг 5 июндаги қарорига кўра М.Я.га 5 сутка маъмурий қамоқ жазоси тайинланган.
Изоҳ (0)